DËGJO – PO FLET ZOTI!

Oct 6 • Meditimi i ditës

6 tetor 2015 – E marte, MOMENTI I SHENJTË – Lutja e përditshme

Prania e Hyjit

Shpirti im shumë e dëshiron praninë tënde, o Zot.

Kur i drejtoj mendimet e mia kah ti,

e gjej paqen dhe pushimin.

Liria

Duhet të shkëputem nga zhurma; të ngrihem mbi zhurmën;

zhurmën që e ndërpret marrëdhënien e vendosur, që ndanë.

Duhet t`i kthehem dëgjimit të Hyjit.

Vetëdija

Bëj, o Zot, që gjithmonë të jem i/e vetëdijshëm/e dhe mirënjohës/e

për të gjitha bamirësitë që mi ke dhënë.

Këtë bekim ta ndaj gjithmonë me të tjerët.

Fjala

Në gjendjen momentale të shpirtit koncentrohu në tekstin e sotshëm me mirëbesim.

Beso se Shpirti Shenjt është i pranishëm

dhe që ai mund të të frymëzojë për të zbuluar ç`po të flet ky tekst i sotshëm.

Lexo me vëmendje dhe me kuptim; përgjo ç`po ndodhë në zemrën tënde.

Lk 10, 38-42

³⁸ Tashti, gjatë udhëtimit, hyri në një fshat dhe një grua, me emrin Martë, e priti në shtëpi. ³⁹ Ajo kishte një motër që quhej Mari. Kjo iu ul Zotërisë te këmbët dhe dëgjonte fjalën e tij. ⁴⁰ Marta, e zënë krejtësisht me punët e shërbimit të pritjes, iu afrua e i tha:

“Zotëri, a nuk po të duket rëndë që motra ime më la krejt vetëm të shërbej? Thuaji, pra, të më ndihmojë!”

⁴¹ “Martë, Martë ‑ iu përgjigj Zotëria ‑ ti po brengosesh dhe po shqetësohesh për shumë gjëra, e pra, ⁴² e nevojshme është vetëm një. Vërtet, Maria zgjodhi pjesën më të mirën që nuk do t’i merret.”

Ç`dëshiron të më thuash, Zotëri?

Disa mendime mbi pjesën e leximit të sotshëm të Shkrimi Shenjt:

 –  Njerëz të zënë me punë mund ta humbasin kohën duke mos marrë momente të nevojshme pushimi dhe rekreacioni. A e kam zbuluar ndonjëherë se mund të jem i/e rrëmbyer me shumë ngjarje në jetë – e vërej se po i marr punët me nxitim e pa i menduar mirë, kështu që humbas atë që është shumë më e rëndësishme?

– Jezusi na kujton se sa e rëndësishme është që sot ta kalojmë kohën duke e dëgjuar fjalën e tij. Kjo është një nga gjërat që është e nevojshme për të na ndihmuar në mënyrë që t’i japim jetës sonë një drejtim të ri, ta vëmë atë në perspektivën e duhur.

– E falënderoj Zotin që i jam përgjigjur thirrjes së tij sot dhe që u kënaqa duke e dëgjuar.

Bashkëbisedimi

I/e vetëdijshëm/e se ende jam në praninë e Hyjit,

e paramendoj Jezusin sesi qëndron ose është ulur afër meje,

dhe i flas gjithçka kam në mendje, atë çka ma thotë zemra,

si shoku shokut.

Përfundimi

Të falënderoj, o Zot, për çdo nxitje që ma dhurove gjatë kësaj kohe sa luta mbi tekstin e Shkrimit Shenjt.

Lavdi Atit e Birit e Shpirtit Shenjt
Si ka qenë në fillim, ashtu tash
e përgjithmonë e jetës. Amen.

«  50 VJETORI I THEMELIMIT TË PROVINCËS FRANÇESKANE NË MAL TË ZI FRIKA – PENGESË PËR TË ECUR PËRPARA »