PËRKATËSIA E FAMILJES SË ZOTIT

Nov 21 • Meditimi i ditës

21 nëntor 2015 – e shtunë, Kushtimi i Shën Marisë Virgjër, MOMENTI I SHENJTË – Lutja e përditshme

Prania e Hyjit

Jezusin mund ta kërkojmë në cilëndo kohë të ditës a të natës.
Ai gjithmonë pret, duke përgjuar thirrjen tonë.
Çfarë bekimi i mrekullueshëm!
Nuk kam nevojë as për telefon as e-mail, vetëm një pëshpëritje.

Liria

S`ka situatë prej së cilës s`do të mund të dilja më i/e pasur me dashuri dhe jetë.

Mirëpo, dëshirat e mia janë shpesh herë të fiksuara, të robëruara në iluzione se të gjitha duhet qenë të plotësuara.

E lus Hyjin që nëpërmjet lirisë time

t`i bëj dëshirat e mia këngë melodie gjallëruese të një dashurie plot harmoni.

Ndërgjegjësimi

Bëj, o Zot, që gjithmonë të jem i/e vetëdijshëm dhe mirënjohës/e

për të gjitha bamirësitë që m`i ke dhënë.

Këtë bekim ta ndaj gjithmonë me të tjerët.

Fjala

Në gjendjen e tanishme të shpirtit përqendrohu në tekstin e sotshëm me mirëbesim, shpresë.

Beso se Shpirti Shenjt është i pranishëm

dhe se ai mund të të frymëzojë që ta zbulosh çfarë po të flet ky tekst i sotshëm.

Lexoje me vëmendje dhe me kuptim; vërja veshin çfarë po ngjanë në zemrën tënde.

Mt 12, 46-50

⁴⁶ Ndërsa ai ende po i predikonte popullit, përjashta prisnin nëna e tij e vëllezërit dhe po e kërkonin të flisnin me të. ⁴⁷. Dikush i tha: [“Shih! Nëna jote dhe vëllezërit e tu presin jashtë dhe dëshirojnë të flasin me ty.”]

⁴⁸ Ai iu përgjigj atij që e lajmëroi:

“Kush është nëna ime dhe kush janë vëllezërit e mi?”

⁴⁹ E shtriu dorën e vet drejt nxënësve të vet e tha:

“Ja, nëna ime e vëllezërit e mi! ⁵⁰ Sepse vëllai im, motra ime e nëna ime është ai që kryen vullnetin e Atit tim që është në qiell.”

Çfarë po dëshiron të më thuash, o Zot?

Disa mendime mbi tekstin e sotshëm të Shkrimit Shenjt:

– Pyetja qendrore e Jezusit është: “Kush është nëna ime?” Përgjigja e tij është provokuese me qëllim për të nxitur njerëzit të mendojnë për prioritetet.

– Marrëdhënia e tij biologjike dhe psikologjike me Marinë, nënën e tij, i ishte dhuru Jezusi nuk ka ndërmend ta pakësojë, ta nënvleftësojë këtë marrëdhënie. Por ka një tjetër marrëdhënie që nuk është e bazuar në gjak, por në besim. Ajo vjen nga përgjigjja thirrjes së Jezusit për ta ndjekur. Ne e dimë se kjo do të thotë të jesh nxënës. Kjo marrëdhënie ka përparësi mbi çdo formë të lidhjes njerëzore.

– A jam i vetëdijshëm për prioritetet sipas të cilave jetoj?

Bashkëbisedimi

O Zot i dashur, ji pranë meje gjithmonë.

Ma jep një zemër e cila gjithmonë do të të besojë.

Faleminderit që më do.

Përfundimi

Po të falënderoj o Zot për çdo nxitje që ma dhurove gjatë këtyre momenteve me ty.

Lavdi Atit e Birit e Shpirtit Shenjt.

Si ka qenë në fillim ashtu tash

E përgjithmonë e jetës. Amen.

« ÇFARË DUHET “PASTRUAR” SOT NË KISHË? MBRETËRIA E SË VËRTETËS, LIRISË DHE DASHURISË »