Kuvendi i Kosovës shpall 5 shtatorin “Ditë të bamirësisë” për nder të Nënë Terezës

Jul 11 • Kulturë

Sot, më 11 korrik 2016, në orët e paradites, në një seancë të rregullt të Parlamentit të Republikës së Kosovës, deputetët me votim unanim miratojnë propozimin që 5 shtatori të shpallet “Ditë e Bamirësisë” për nderë të festës së Nënë Terezës.

Ky propozimi dhe kjo dëshirë ka lindur para disa viteve, por vetëm sot ajo u bë zyrtare. Njëkohësisht, ky miratim i Kuvendit është një akt nderimi institucional për bijën e popullit tonë dhe Nënën e botës, në vitin shumë domethënës, sepse pikërisht sivjet me 4 shtator, në Vatikan, Papa Françesku do ta shpall të shenjtë Nënë Terezën, që nënkupton se mbarë bota do ta quaj edhe zyrtarisht, Shenjta Nënë Tereza.

Shpresojmë që 5 shtatori do të jetë ditë e frymëzimit terezian, për të mishëruar shpirtin e saj të përkushtimit ndaj njeriut vëlla dhe motër.

O Nënë Tereza, ndërmjetëso për ne te Zoti.

Shpërndaje

Comments are closed.

« »