Qëllimi i jetës, më shumë se komoditet

Oct 26 • Meditimi i ditës

26 tetor 2017 – E enjte, MOMENTI I SHENJTË – Lutja e përditshme 

(Leximet e ditës: Rom 6,19-23; Ps 1,1-4.6; Lk 12,49-53)

Prania e Hyjit

Teksa jam duke qëndruar këtu, të rrahurat e zemrës sime, ritmi i frymëmarrjes, lëvizjet e mendjes,

të gjitha këto janë shenja se Hyji është duke më krijuar vazhdimisht.

Ndalem një moment, dhe bëhem i/e vetëdijshëm/e për praninë e Hyjit në mua.

Liria

Pak janë ata njerëz që e kuptojnë

se çfarë do të mund të bënte Hyji me ta

po të dorëzoheshin në duart e tij

dhe t`i lejonin që t`i formojë hiri i tij. (Shën Injaci)

Lus për hirin e dorëzimit të plotë në dashurinë e Hyjit.

Ndërgjegjësimi

E pyes veten, çfarë jam duke ndier sot në vetvete?

A jam ndoshta i/e lodhur, nën stres apo jashtë forme?

Nëse diçka nga kjo ekziston në mua,

a mund të provoj t`i largoj këto brenga që po më shqetësojnë?

Fjala

O Zot, je bërë njeri për të biseduar me mua;
ke ecur dhe punuar përmbi këtë tokë; ke pësuar të nxehtët dhe të ftohtët.
Koha që e ke kaluar mbi tokë ka qenë e mbushur me kujdesin për njerëz.
Ke shëruar të sëmurë, ke ringjallur të vdekur; dhe ajo më e rëndësishmja – më ke shpëtuar nga vdekja.

Lk 12, 49-53

⁴⁹ “Erdha të sjell zjarrin mbi tokë e sa dëshiroj të ishte tashmë i ndezur flakë! ⁵⁰ E po, më duhet të pagëzohem me pagëzim, e sa ngushtë jam derisa të kryhet!

⁵¹ A kujtoni se erdha të sjell paqen mbi tokë? Jo, po ju them, por përçarjen! ⁵² Që tani, për të vërtetë, pesë anëtarë në një shtëpi, do të jenë të ndarë: tre kundër dyve e dy kundër treve:

⁵³ babai do të zihet me djalin,

e djali me babain,

nëna me të bijën,

e bija me t’ëmën,

vjehrra me të renë

e reja me vjehrrën.”

Çfarë dëshiron të më thuash, Zotëri?

Disa mendime mbi pasazhin e sotshëm të Shkrimit Shenjt:

• Jezusi i ëmbël,zemërbutë e i përvujtë? Komoditeti dhe jeta me qejfe s`janë modele sipas të cilave duhet formësuar jetën tonë dhe kurrë s`guxojmë t`i imponojmë apo t`i kërkojmë.
  • Rezultatet do të vijnë nëse e kemi rregulluar si duhet jetën.

Bashkëbisedimi

Nganjëherë nuk di çka do të thosha në takimin personal me ty.

Ndoshta do të mund të thosha faleminderit, o Zot që je gjithmonë këtu.

E di me siguri se ka pasur momente kur më ke mbartur

dhe me fuqinë tënde i kam tejkaluar dhe mbijetuar kohët e vështira në jetën time.

Përmbyllja

Të falënderoj, o Zot, që munda t`i kaloj këto momente vetëm me ty.

Lavdi Atit e Birit e Shpirtit Shenjt.

Si ka qenë në fillim, ashtu tash

e përgjithmonë e jetës. Amen.

« Ndre Durrsaku, profesor i Universitetit të Durrësit (“Studium generale“), i pari i këtij lloji në Ballkan! FORMOHET KLUBI I BASKETBOLLIT KB “DON BOSKO” – PRISHTINË »