Të Reja

Besimi i madh në gjërat e vogla

Feb 12 • Meditimi i ditës

 12 shkurt 2018 – E hënë, MOMENTI I SHENJTË – Lutja e përditshme

(Leximet e ditës: Jak 1, 1-11; Ps 118; Mk 8, 11-13)

 

Prania e Hyjit

Në pikën e qetë të botës sime në lëvizje,
në thelbin e qenies sime,
pres ta dëgjoj dhe ta ndiej praninë e butë të Hyjit
I Cili më thërret ta hap zemrën dhe të lejoj të shkoj tek Ai.
A mund të shkoj në atë vend ku po më thërret Hyji?

 

Liria

Lute Zotin për hirin e fesë, të besoj

në gjithë atë çfarë do të mund të bëhesha dhe të bëja

vetëm po t`i dorëzohesha Hyjit, atij që krijon gjithçka nga dashuria,

që të vazhdojë të më krijojë, udhëheqë dhe formojë.

 

Ndërgjegjësimi

O Zot, ma ke dhënë natën për pushim dhe fjetje.

Në momentet e mia kur jam zgjuar kurrë mos e harrofsha mirësinë tënde.

Më mëso që bekimin tënd ta ndaj me të tjerët.

 

Fjala

Tani e lexoj pjesën e leximit të Shkrimit Shenjt që është parashikuar për sot.

Lexoj pa u ngutur

dhe vërej fjalinë apo ngjarjen që më flet diçka.

 

Mk  8, 11-13

 

11 Atëherë erdhën farisenjtë dhe filluan të rragaten me të. Duke e vënë në provë kërkuan prej tij një shenjë prej qiellit. 12 Jezusi duke fsharë prej fundit të shpirtit, tha: “Përse kjo brezni kërkon shenjë? Për të vërtetë, po ju them: kësaj breznie s’do t’i jepet shenjë!”

13 Atëherë i la, përsëri hipi në barkë dhe kaloi në anën tjetër.

 

Ç`dëshiron të më thuash, o Zot?

Disa mendime mbi pasazhin e sotshëm të Shkrimit Shenjt:

 

  • Të gjitha mrekullitë që i ka bërë Jezusi kanë qenë “shenja prej qielli” që i kërkonin farisenjtë. E pra, zemrat e tyre ishin të mbyllura. Nëse është dukur një shenjë e re ata kërkonin një tjetër. Më parë Satani (djalli) kishte kërkuar prej Jezusit një shenjë kur e tundoi në shkretëtirë.
  • Si qëndron puna me mua, o Zot? A kërkoj edhe unë gjithmonë diçka të re prej teje? Në saje të mundimeve dhe ngjalljes sate e ke zbuluar se je në anën time. Bëj që të mund t`i pranoj këto shenja të mëdha dhe të besoj edhe atëherë kur edhe gjërat e vogla nuk shkojnë siç duhet.

Lexoje, dëgjoje pjesën e leximit të Shkrimit Shenjt, pa u ngutur, disa herë, dhe shih a ka ndonjë fjalë a ngjarje që të flet në mënyrë të veçantë, dhe qëndro më atë rast aq gjatë sa të flet para se të vazhdosh tutje.

 

Bashkëbisedimi

Fjalët tua, o Zot, më mësojnë  se si duhet të lutem.

Urata e mrekullueshme Ati ynë

përmban gjithçka dua të them.

 

Përmbyllja

Po të falënderoj o Zot për çdo nxitje që ma dhurove gjatë këtyre momenteve të kaluara vetëm me ty.

Lavdi Atit e Birit e Shpirtit Shenjt.

Si ka qenë në fillim ashtu tash

E përgjithmonë e jetës. Amen.

Shpërndaje

Comments are closed.

« »