Programi i Festës së Pashkëve 2018 në Katedralen Shën Nënë Tereza

Mar 30 • Kisha në Kosovë

Ipeshkvia e Kosovës, ka bërë të ditur programin e kremtimit të Festës së Pashkëve 2018, që do të kremtohet në Katedralen Shën Nënë Tereza në Prishtinë.  

 

PROGRAMI:

VIGJILJA E PASHKËVE, e shtunë,  31 mars: 

Mesha Solemne/Qëndore e Pashkëve, do të kremtohet në Katedralen Shën Nënë Tereza në Prishtinë, në ora 21:00, të cilës do t’i prijë Ipeshkvi i Kosovës, SH. T. Imzot Dodë Gjergji. Në mbarim të meshës, do të ndahen vezë të pashkëve për fëmijë dhe të pranishëm. Kjo meshë do të transmetohet drejtpërdrejt nga Radio Televizioni i Kosovës (RTK).

 

DITA E PASHKËVE, e diele, 1 prill:

Ora 11:00: Mesha në Katedralen Shën Nënë Tereza në Prishtinë.

(Ipeshkvi i Kosovës, Sh. T. Imzot Dodë Gjergji, do të kremtojë meshën e Ditës së Pashkëve në Katedralen Zoja Ndihmëtare në Prizren, në ora 11:00).

Ora 17:00: Mesha në Kishën e Shën Ndout në Ulpianë, Prishtinë (anglisht)

Ora 18:00: Mesha në Kishën e Shën Ndout në Ulpianë, Prishtinë.

 

PRITJA SOLEMNE E PASHKËVE

E Diele, ora 19:00 – 20:00: Pritja Solemne për Pashkë në Rezidencën e Ipeshkvisë, pranë Katedrales Nënë Tereza Prishtinë, e cila organizohet nga Ipeshkvi i Kosovës, SH. T. Imzot Dodë Gjergji.

Për shumë mot Pashkët!

Shpërndaje

Comments are closed.

« »