Ç’është e rëndësishme për ty për t`ia thënë në këtë moment Zotit?

Jul 31 • Meditimi i ditës

31 korrik 2018 – E martë, Shën Injac Lojola, MOMENTI I SHENJTË – Lutja e përditshme

(Leximet e ditës: Jer 14,17-22; Ps 78; Mt 13,36-43)

Prania e Hyjit

“Ndaluni e shihni se unë jam Hyji.” (Ps 46,11)
Qetësohu dhe njihe Zotin.

O Zot, fjalët e tua na çojnë në
qetësinë dhe madhështinë e Pranisë sate.

Liria

Shën Injaci rekomandon që të fillojmë çdo kohë të lutjes duke i kërkuar Hyjit hirin që të jem plotësisht i hapur ndaj tij gjatë kësaj kohe.

Tani mund ta bëj të njëjtën lutje tani:

“Bëj, o Zot, që të gjitha qëllimet, veprimet dhe aktivitetet e mia të drejtohen pastër për të dhënë nder e lavd dhe për të shërbyer ty.”

Ndërgjegjësimi

Ku, në ç` gjë në jetën time jam duke e gjetur shpresën, guximin dhe rritjen?

Duke u kthyer në mendime disa muaj prapa,

a jam i aftë të vërej cilat janë ato aktivitete të mia që kanë dhënë fryt të pasur?

Nëse i kam vërejtur këto lëmi,

do të vendosi që në të ardhmen t`iu sigurojë për to hapësirë dhe kohë.

Fjala

Kujtohu çka je duke bërë para se ta dëgjosh Fjalën e Zotit dhe çka dëshiron nga ky takim.

Hyji është i pranishëm dhe për shkak se Hyji është I Pranishmi mbështetesh në Hyjin.

Lexoje, dëgjoje leximin e sotëm nga Shkrimi Shenjt
dhe lejoji vëmendjes sate të pushojë nëdisa pjesë të tij.

Jer 20,7-11, 13

⁷ Më ngashënjeve, o Zot,

dhe unë lejova të ngashënjehem,

qe më i fortë se unë

dhe më mbizotërove.

U bëra gazi i ditës,

të gjithë më përqeshin.

⁸ Sa herë që më duhet ta shpall fjalën,

më duhet të lëshoj kushtrimin,

të bërtas: “Dhunë! Shkatërrim!”

Fjala e Zotit u bë për mua

poshtërim dhe përqeshje gjithë ditën!

⁹ Atëherë thashë me vete: më s’do të mendoj për Të,

në emër të Tij më nuk do të flas!

Atëherë në zemrën time u ndez

një zjarr i furishëm,

u ndrye në eshtrat e mi:

u mundova ta mposht,

por s’munda!

¹⁰ I dëgjoja shpifjet e shumëve,

tmerr gjithkund përreth:

‘Paditeni! Le ta padisim!’

Të gjithë dashamirësit e mi

vërenin rënien time:

‘Ndoshta do të lejojë të gënjehet!

Do të ngadhënjejmë mbi të,

atëherë do të hakmerremi!’

¹¹ Por me mua është Zoti si trimi i trimave,

prandaj ata që më përndjekin,

do të rrëzohen e s’do të ngadhënjejnë:

turpi do t’i mbulojë se s’do t’ia dalin qëllimit,

turp e përhershme që kurrë s’do të shlyhet!

¹³ Këndojini Zotit, lëvdojeni Zotin,

që e çliroi shpirtin e të varfërit

nga dora e keqbërësve.

Ç` dëshiron të më thuash, Zotëri?

Disa mendime mbi pjesën e leximit të sotshëm të Shkrimit Shenjt:

• Fjalët që i dëgjuam janë nga Profeti Jeremia. Jeremia ndjen se është bërë qesharak. Të gjithë tallen me të. Edhe kur e përshëndesin çdo ditë, e qortojnë dhe tallen. Si të tingëllon zëri i tij sot? A mendon se është paranoid – dmth. a mos vuan nga paranoja, frika e paarsyeshme ose besimi irracional që njerëzit e tjerë po komplotojnë për ta dëmtuar? A mos është i frikësuar? Në fund të fundit triumfues? Apo çfarë?
• Edhe nëse donte, Jeremia ndiente se nuk mund të qëndronte i qetë. E vërteta do të dalë. A ka gjëra në jetën tënde që thjesht duhet të thuhen? Të thuhen, pa marrë parasysh pasojat? Cilat janë këto të vërteta thelbësore për ty?
• Ndërsa e dëgjon përsëri zërin e Jeremisë, vë re se si ndryshon disponimi i tij gjatë rrjedhës së asaj që ai ka për të thënë këtu.
• Ç’është e rëndësishme për ty për t`ia thënë në këtë moment Zotit që është e vërteta? 

Kur i lejoj Fjalës së Hyjit që të endet përmbi preokupimet e mia, atëherë mund të ndodhë gjithçka, sepse ai është Hyj që befason. Me rëndësi është që mos ta fshehë kaosin tim të brendshëm nga Fjala e Hyjit dhe nga vetvetja.E lexoj, e dëgjoj pjesën e Shkrimit Shenjt edhe një herë, nëse duhet disa herë.

Ndalem në pjesë të tekstit që më lënë më shumë përshtypje. I lëshohem fuqisë së fjalëve.

 Bashkëbisedimi

Ti e transformon, e shndërron atë që lexon apo dëgjon në një bisedë me Zotin.

Ti i shpreh mendimet e tua dhe Zoti të dhuron një shikim të lidhjevetë reja me njëra-tjetrën ose pika orientuese, dhe kështu fiton nga ajo që ke lexuar apo dëgjuar, forcë dhe drejtim për veprim, duke të dhënë zemër dhe përkrahur. Zoti e dëshiron ndryshimin, shndërrimin.

Ndaji ndjenjat e tua me Zotin.

 Përmbyllja

Të falënderoj, o Zot, që munda t`i kaloj këto pak minuta vetëm me ty. Ati ynë…

Lavdi Atit e Birit e Shpirtit Shenjt
Si ka qenë në fillim, ashtu tash
e përgjithmonë e jetës. Amen.

« Kremtimi i festës së Shna Prenes në Dunav të Karadakut Gëzimi i zbulimit të thesarit të vërtetë »