Mbërthyer në shprehi të vjetra

Jan 21 • Meditimi i ditës

21 janar 2019 – E hënë, MOMENTI I SHENJTË – Lutja e përditshme

(Leximet e ditës: Heb 5,1-10; Ps 110,1-4; Mk 2,18-22)

 

Prania e Hyjit

O Zot, në thjeshtësi dhe përvujtëri po vij tek ti.

Fjalët e tua më çojnë në qetësinë në të cilën

e kuptoj madhërinë dhe domethënien e pranisë sate.

 

Liria

Hyji sillej me mua ashtu siç bën një mësues shkolle me një fëmijë:

më mësonte. (Shën Injaci)
Do ta kujtoj se ekzistojnë edhe shumë gjëra që Hyji duhet të m`i mësojë,
dhe do të lus për hirin që t`i vërej
dhe t`i lejoj që nëpërmjet tyre të më ndryshojë.

 

Ndërgjegjësimi

Sytë e të gjithëve, janë të drejtuara me shpresë kah Zotit.

Ai na jep ushqim në kohën e duhur.

Zoti e hap dorën dhe e mbush çdo krijesë me bekim.

Në këtë moment, e drejtoj vëmendjen, sytë, zemrën drejt Hyjit.

Në mes të gjithë zhurmës dhe aktivitetit rreth meje,

qëndroj në heshtje, gati për të pranuar atë që Hyji ka për të më dhënë.

 

Fjala

Kaloje këtë kohë duke e përqendruarvetveten për të dëgjuar atë që Hyji mund të jetë duke të të thënë gjatë kësaj lutje, për të dëgjuar atë qëgjallërohet në zemrën tënde. Mbylli sytë një moment. Ndërsa rri ulur me sy mbyllur, përdori këto ose fjalë të ngjashme: “Ja ku jam, o Zot. Ja ku jam.” Kur të jesh gati, hapi sytë dhe lexo, lutu.


 

 

Mk 2, 18-22

 

18 Nxënësit e Gjonit dhe farisenjtë agjëronin. Erdhën disa dhe i thanë:

“Pse nxënësit e Gjonit e të farisenjve agjërojnë e nxënësit e tu nuk agjërojnë?”

19 Jezusi u përgjigj:

“A thua mund të agjërojnë dasmorët derisa është me ta dhëndri? Për aq kohë sa është dhëndri me ta s’mund të agjërojnë! 20 Do të vijë dita kur do t’ua rrëmbejnë dhëndrin. Atëherë ata, atë ditë, do të agjërojnë!

21 Askush nuk e qep arnën e tirkut të pashkelur në petk të vjetër; përndryshe arna e tirkut të pashkelur e shqyen petkun e vjetër dhe e shqyerja bëhet më e madhe.

22 Askush nuk e qet verën e re në rrëshiqa të vjetër; përndryshe vera e re i shqyen rrëshiqat: vera derdhet e rrëshiqat prishen. Porse vera e re ‑ në rrëshiqa të rinj.”


 

 

Ç`dëshiron të më thuash, o Zot?

Disa mendime mbi pasazhin e sotshëm të Shkrimit Shenjt:

 

  • Ka arsye pse njerëzit fillojnë të agjërojnë. Njerëzit agjërojnë para operacionit. Ne agjërojmë ose mbajmë dietë për të humbur peshë. Cilat vlera fetare ose shpirtërore i sheh te agjërimi?
  • Derisa dhëndri (Jezusi) ishte i pranishëm, dishepujt nuk pritej të agjëronin. Gjatë një festimi të dasmës kujdeset dhe detyrat e zakonshme të jetës lihen mënjanë. Ku në jetën tënde sot e përjeton Hyjin si të pranishëm? Në çfarë mënyra i gëzohesh sot pranisë së Hyjit në jetën tënde?
  • Mesazhi i Jezusit është si verë e re, ngazëlluese, radikale, e freskët. Ndërsa e dëgjon përsëri, merri erë buqetës dhe shijoje cilësinë e kësaj vere të re.

 

Bashkëbisedimi

Të krishterët presin me padurim ardhjen e Krishtit. Jezusi sugjeron që ne duhet të agjërojmë në këtë ‘kohë ndërmjetëse’. A mund të bisedosh me të tani përse është kjo kështu? Si duhet të duket ky agjërim? Si arrin t`i shmangesh që të mos të pushtojnë tërësisht gjërat e kësaj bote dhe t’i kushtosh vëmendje të mjaftueshme gjërave të Hyjit?

 

Përmbyllja

Po të falënderoj o Zot që munda t`i kaloj këto pak momente vetëm me ty. Tradita fetare urdhëronte të agjërohej vetëm atëherë kur diçka mungonte. Jezus, ti po paralajmëron se ka ardhur ai që e kishin pritur. T`i përgjigjesh këtij rasti do të duhej të ishte gëzim, e jo agjërim. Do të vijë koha edhe për agjërim: dëgjuesit mbetën të çuditur dhe pyesnin veten kur do të ndodhë kjo.

Edhe vet e dimë se jeta është një ritëm vdekjeje dhe lindjeje të re me kohërat e saja të pikëllimit dhe gëzimit. Dhëndri ka ardhur – ti, o Jezus, Biri i Hyjit. Ti je siguria jonë në kohërat e vështira.

“Vera e re në rrëshiqa të rinj”. O Zot, po ma bën me dije që mos ta mbyll mendjen time. Më sfidon që të mos qëndroj në shprehitë e vjetra dhe të jem i/e hapur për gjëra të reja. Ma jep çiltërsinë e zemrës dhe mendjes. Bëj që të besoj në thellësitë e Shpirtit tënd kreativ që i bën të gjitha gjërat të reja. Gëzimi dhe festimi është çelësi i jetës së krishterë. Ati ynë…

Lavdi Atit e Birit e Shpirtit Shenjt. Si ka qenë në fillim ashtu tash e përgjithmonë e jetës. Amen.

Shpërndaje

Comments are closed.

« »