Sot, fillon nëntëditëshi në nder e lavd të Zojës së Letnicës

Aug 6 • Kisha në Kosovë

Sot, më 6 gusht 2019, fillon nëntëditëshi kushtuar Zojës së Letnicës, që kremtohet në Shenjtëroren e Dioqezës tonë Prizren-Prishtinë.

Si viteve të kaluara, që kemi zgjedhur një temë të posaçme për homelitë e këtyre ditëve përgatitore, ashtu edhe këtë vit, këshilli përgatitor ka caktuar temën e sivjetme. Pasi vitin e kaluar, më 5 shtator 2018, është shpallur Dioqeza e re Prizren-Prishtinë, një dhuratë kjo e madhe për Kishën tonë në Kosovë që vjen nga Ati i Shenjtë, Papa Françesku. E kemi parë si moment të volitshëm që gjatë përgatitjes sonë tradicionale nëntëditore për festën Të Ngriturit e Shën Marisë Virgjër në Qiell – Zoja e Madhe, të kemi për temë të homelive tona Kishën, të mbështetur kryesisht në Kushtetutën dogmatike mbi Kishën “Lumen Gentium”, të Koncilit II të Vatikanit.  

 

Meshët gjatë nëntëditëshit do të jenë në ora 19:00 

Dita e parë, e martë, 06. 08. 2019

Tema e homelisë: Kisha  – dimensioni i saj hyjnor dhe njerëzor

Kremtuesi: Don Shtjefën Dodes

 

Dita e dytë, e mërkurë, 07.08. 2019

Tema e homelisë: Kisha – shtëpi e kthimit dhe e pajtimit (rrëfimi)

Kremtuesi: Don Anton Uka

 

Dita e tretë, e enjte, 08. 08. 2019

Tema e homelisë: Kisha – sakrament në Krishtin (eukaristia)

Kremtuesi: Don Tomë Karrica

 

Dita e katërt, e premte, 09. 08. 2019

Tema e homilisë: Kisha martire, fara e krishterimit

Kremtuesi: Don Lush Sopi

 

Dita e pestë, e shtunë, 10. 08. 2019

Tema homelisë: Kisha – familja e dytë e të krishterit

Kremtuesi: Don Marjan Topalli

 

Dita e gjashtë, e diele, 11. 08. 2019

Tema homelisë: Kisha – populli i Hyjit

Kremtuesi: Don Dominik Qerimi

 

Dita e shtatë, e hënë, 12. 08. 2019

Tema e homelisë: Thirrja e gjithëmbarshme për shenjtëri në Kishë

Kremtuesi: Don Marjan Demaj

 

Dita e tetë, e martë, 13. 08. 2019

Tema homelisë: Virgjëra Mari, Nëna e Kishës

Kremtuesi: Don Viktor Sopi

 

Dita e nënë, e mërkurë, 14. 08. 2019. Vigjilja e festës

Tema homelisë: Kisha – ungjillëzuese dhe misionare

Kremtuesi: Imzot Dodë Gjergji

 

 

Triditëshi në gjuhën kroate

Më 12. 08. 2019, ora 17:00 – Don Mato Palić

Më 13. 08. 2019, ora 17:00 – Don Kristë Gjergji

Më 14. 08. 2019, ora 17:00 – Don Lush Gjergji

 

Adhurimi me të Shenjtërueshmin Sakrament

Gjatë nëntëditëshit do të ketë adhurim për çdo ditë (6 – 13 gusht), nga ora 21:00-22:00. Gjatë kësaj kohe do të jetë edhe mundësia për rrëfim. Adhurimin do ta udhëheqin në këtë renditje:

Dita e parë, e martë, 6 gusht: Don Shtjefën Dodes

Dita e dytë, e mërkurë, 7 gusht: Don Jeton Thaqi

Dita e tretë, e enjte, 8 gusht: Don Marajn Lorenci

Dita e katërt, e premte, 9 gusht: Don Meriton Dedaj

Dita e pestë, e shtunë, 10 gusht: Nikollë Spaqi, diakon

Dita e gjashtë, e diele, 11 gusht: Samuel Ramaj, diakon

Dita e shtatë, e hënë, 12 gusht: Don Marjan Demaj

Dita e tetë, e martë, 13 gusht: Don Viktor Sopi

 

Takimi me të rinj

Më 11 gusht, ditë e diele, në ora 18:00 do të jetë takimi me të rinj, të cilin do ta udhëheq Don Alfred Sokoli, përgjegjës për baritoren rinore në Dioqezën tonë.

 

Mesha për të moshuar dhe të sëmurë

Mesha kushtuar të të moshuarëve dhe të sëmurëve, do të jetë të shtunën, më 10 gusht, në ora 11:00, të cilën do ta prijë Don Ndue Gjergji. Kjo meshë do të jetë e përgatitur për të moshuar dhe të sëmurë, për ‘iu mundësuar edhe atyre një përkujdesje pastorale që të mund të përjetojnë përgatitjen për festë sa më mirë. Gjatë meshës do të ndahet edhe sakramenti i vajimit. Pas meshe do të shtrohet një koktej për të bashkëndarë çaste të lira me ta.

 

14 gusht – Vigjilja e Festës

Ora 11:00: Mesha e përkujtimit të shugurimit të Kishës në Letnicë. (Kremtues: Don Kastriot Idrizi).

Ora 13:30: Në Kishën e Zemrës së Krishtit në Viti bëhet nisja e shtegtimit tradicional drejtë Shenjtërores së Letincës. Shtegtimit të besimtarëve dhe meshtarëve i prinë bariu ynë, SH. T. Imzot Dodë Gjergji.

Ora 17:00: Pritja solemne e Ipeshkvit dhe shtegtarëve

Ora 17:30: Mesha në gjuhën kroate, i prinë Don Lush Gjergji.

Ora 19:00: Mesha e Vigjiljes në gjuhën shqipe, i prinë Sh. T. Imzot Dodë Gjergji. Pas meshe do të jetë procesioni tradicional me truporen e Zojës Lurdit.

Ora 21:00 – 22:00: Pastoral për shtegtarë të komunitetit Rom (e udhëheq Don Marjan Lorenci)

Ora 22:00-24:00: Adhurim, lutje dhe meditim në dy gjuhë – shqip dhe kroatisht. (Udhëhequr nga Don Mato Palić dhe Don Marjan Uka).

 

15 gusht – Dita e Festës

Ora 07:00: Mesha në gjuhën shqipe

Ora 09:00: Mesha në gjuhën kroate

Ora 11:00: Mesha solemne e Festës.  I prinë Ipeshkvi i Kosovës, SH. T. Imzot Dodë Gjergji.

Pas meshe procesioni tradicional me truporen e Zojës së Letnicës.

 

16 gusht – Shën Rroku

Ora 09:00: Mesha në Shasharë në gjuhën kroate.

Ora 11:00: Mesha në Letnicë në gjuhën shqipe.

 

Zoja e Letnicë, Nëna e Kishës, ndërmjetësoftë për të gjithë shtegtarët e na sjelltë bekime e hire prej Birit të Saj, Jezu Krishtit, që të mund të shijojmë denjësisht përkatësinë e Kishës. E përcjelltë Kishën tonë Dioqezane me dashurinë amnore për ta dëshmuar Ungjillin në shoqërinë tonë!/drita.info

Shpërndaje

Comments are closed.

« »