Thjeshtësia e çiltër të ban njeri të madh

Sep 30 • Meditimi i ditës

30 shtator 2019 – E hëne, Shën Jeronimi, MOMENTI I SHENJTË – Lutja e përditshme

(Leximet e ditës: Zah 8,1-8; Ps 102,16-21.29.22-23; Lk 9,46-50)

Prania e Hyjit

“Ja, qëndroj para derës dhe trokas”, thotë Zotëria.

Çfarë privilegji i mrekullueshëm që Krijuesi dhe Zotëruesi i të gjitha krijesave dëshiron të vijë tek unë!

Me gjithë zemër e pranoj ardhjen e tij.

Liria

O Zot, ma dhuro hirin e lirisë së shpirtit.

Ma pastro shpirtin dhe zemrën në mënyrë që të mund të jetoj gëzueshëm në dashurinë tënde.

Ndërgjegjësimi

Në çka jam duke e gjetur momentalisht në jetën time shpresën, guximin dhe zhvillimin?
Duke i reflektuar disa muaj të mëparshëm,
a jam i/e aftë t`i vërej cilat janë ato aktivitete të mia që kanë dhënë fryt të mirë?
Nëse i kam vërejtur fusha të tilla,
do të vendosi që edhe në të ardhmen t`iu siguroj hapësirë dhe kohë.

Fjala

Lk 9, 46-50

⁴⁶ Ndër ta lindi kjo çështje: cili prej tyre do të ishte më i madhi. ⁴⁷ Jezusi, duke e ditur ç’ mendime u vlonin në zemër, e mori një fëmijë, e afroi pranë vetes, ⁴⁸ dhe u tha:

“Kush e pranon këtë fëmijë në emrin tim, më pranon mua, e kush më pranon mua, pranon atë që më dërgoi mua. Përnjëmend, kush është ndër ju më i vogli, ai është vërtet i madh.”

⁴⁹ Atëherë Gjoni mori fjalën dhe i tha:

“Mësues, pamë një njeri që dëbonte djajtë në Emrin tënd. Ne ia ndaluam, sepse nuk vjen pas teje me ne.”

⁵⁰ Jezusi iu përgjigj:

“Mos ia ndaloni, sepse, kush nuk është kundër jush, është me ju.”

Ç` dëshiron të më thuash, Zotëri?

Disa mendime mbi pasazhin e sotshëm të Shkrimit të Shenjtë:

• Jezusi i kthen të gjitha sendet në të kundërtën. Për të Mbretëria e Hyjit është vlera e vetme absolute.  Fuqia krijuese e Shpirtit të Shenjtë është vepruese në çdo person, madje edhe në ata që nuk janë të krishterë. A mund të gëzohem për këtë?

• “Në mbrëmjen e jetës do t’i nënshtrohemi testit të dashurisë” (Shën Gjoni i Kryqit).
• Çfarë e bën një person të madh? A është pushteti, pasuria, aftësitë, bukuria, talentet e këtij apo atij lloji? Në Mbretërinë e Hyjit madhësia e dikujt matet me aftësinë e tij për t’iu shërbyer të tjerëve. Prandaj, të vegjlit janë njerëzit e tokës, ata që na shërbejnë, ata që në fund tregohen se paskan qenë të mëdhenj! A do të jem edhe unë i madh në Mbretërinë e Hyjit?

Bashkëbisedimi

E filloj bisedën me Jezusin mbi tekstin e Shkrimit Shenjt që pikërisht e lexova.

Ç` më nxiti më së shumti të mendoj?

Ndoshta nëpërmjet atij rreshti të tekstit në sipërfaqen e vetëdijes sime

ngadalë nga kujtesa dalin fjalët e mikut, apo ndonjë tregim që e kam dëgjuar para pak kohe.

Nëse është ashtu, a po e ndriçon tregimi atë çfarë mundohet të më thotë teksti i Shkrimit të Shenjtë?

Përmbyllja

Të falënderoj, o Zot, për çdo nxitje që ma dhurove gjatë kësaj kohe sa luta mbi tekstin e Shkrimit rë Shenjtë.

Lavdi Atit e Birit e Shpirtit Shenjt

Si ka qenë në fillim, ashtu tash
e përgjithmonë e jetës. Amen

« Ndjenja për tjetrin hap shikimin për të matanshmën Kontributi i ilirëve në civilizimin perëndimor: rasti i Shën Jeronimit »