Çfarë ka rëndësi për ty në fe: përbrendësia apo përjashtësia/rituali

Oct 15 • Meditimi i ditës, Uncategorized

15 tetor 2019 – E martë, Shën Terezja e Avilës, MOMENTI I SHENJTË – Lutja e përditshme

 (Leximet e ditës: Rom 1,16-25; Ps 19,2-5; Lk 11,37-41)

Prania e Hyjit

Ajo që është pranë meje është diçka që do të më formojë dhe udhëheq.

Mendohem për praninë e Zotit: në mua, ai është gjithmonë këtu, gjithmonë me dashuri,

në mesin e shumë ndikimeve që më rrethojnë dhe prekin.

Ndalem dhe lus që Zoti

të më formojë dhe udhëheq, tani në këtë moment.

Liria

 O Zot, ma ke dhënë jetën dhe dhuratën e lirisë.

Unë ekzistoj në këtë botë falë dashurisë sate.

Më ndihmo që gjithmonë të di ta çmoj këtë dhuratë të jetës dhe gjithmonë ta respektoj të drejtën e tjetrit për të jetuar.

 Ndërgjegjësimi

 Duke iu kthyer detyrave të mia të përditshme,

më përkujto, o Zot,

se je gjithmonë pranë meje.

Kurrë nuk duhet të dëshpërohem.

Fjala e Zotit

 Lute Shpirtin Shenjt që të të ndriçojë dhe të ta hapë mendjen dhe zemrën që të mund ta dëgjosh Zotin se si po të flet në Fjalën e tij.

Lk 11, 37-41

 ³⁷ Ndërsa ai ende po fliste, një farise iu lut të shkonte tek ai për drekë. Ai hyri dhe u ul në tryezë. ³⁸ Fariseu, kur pa se Jezusi nuk u la para buke, u çudit. ³⁹ Zotëria i tha:

“Po! Ju farisenjtë lani përjashta gotën dhe kupëzën, ndërsa brendinë tuaj e keni plot rrëmbime e prapësi. ⁴⁰ Të marrë! A thua se ai që përftoi përjashtësinë, nuk e përftoi edhe brendësinë? ⁴¹ Jepni, pra, për lëmoshë ç’është brenda gotës e kupës e do të jetë gjithçka e pastër për ju.

Ç` dëshiron të më thuash, Zotëri?

 Disa mendime mbi fragmentin e sotshëm të Shkrimit të Shenjtë:

• A je çuditur ndonjëherë kur të tjerët s`janë sjellë ritualisht si “të kurdisur”? A i refuzoj ata për shkak të kësaj? Jezusi edhe një herë bën vend dhe e vë dashurinë dhe mirësinë mbi urdhërimet e ligjit. Cilat dhe çfarë lloj dhuratash të brendshme mund t`i ndaj me të tjerët? A besoj se edhe më të voglën lutje time për botën Zoti e bekon?
• O Zot, ti më shqyrton dhe më njeh më mirë se unë veten time. Ma pastro zemrën nga çdo gjurmë “lakmie dhe ligësie” dhe mbill në mua farën e shpirtit tënd të zemërgjerësisë.

Bashkëbisedimi

 Ç` ndjenja më lindin brenda meje

kur lus dhe meditoj me Fjalën e Zotit?

E paramendoj Jezusin se si është duke ndenjur apo është ulur pranë meje

dhe ia çeli zemrën.

Përmbyllja

 Të falënderoj, o Zot, për këto momente që i kalova vetëm me ty. Ati ynë…

Lavdi Atit e Birit e Shpirtit Shenjt.

Si ka qenë në fillim, ashtu tash

e përgjithmonë e jetës. Amen.

« Jezusi është Shenjë që nxitë kthimin tonë! Takimet e Gjeçovit 2019 në Zym, në 90-vjetorin e vdekjes »