Programi i Krishtlindjes 2019 në Katedralen Shën Nënë Tereza në Prishtinë

Dec 22 • Kisha në Kosovë

Të nderuar besimtarë/e,

miq e dashamirë,

Kisha Katolike në Kosovë, përkatësisht Dioqeza Prizren-Prishtinë me kënaqësi e shpall programin e Krishtlindjes 2019 në Katedralen Shën Nënë Tereza në Prishtinë.

 

PROGRAMI

E martë,  24 dhjetor 2019  – VIGJILJA E KRISHTLINDJES

Ora 18:00:  Pritja solemne në Qendrën “Bogdanipolis”, nën Katedralen Shën Nënë Tereza Prishtinë, e cila organizohet nga ipeshkvi i Dioqezës sonë Prizren-Prishtinë, SH. T. Imzot Dodë Gjergji, me rastin e Festës së Krishtlindjes 2019.

Ora 23:30: Program i Krishtlindjes nga fëmijët e Famullisë së Prishtinës në Katedralen Shën Nënë Tereza.

Ora 24:00: Mesha solemne e Krishtlindjes në Katedralen Shën Nënë Tereza Prishtinë, të cilën do të udhëheq Ipeshkvi ynë, SH. T. Imzot Dodë Gjergji, në bashkëmeshim me meshtarë të dioqezës.

 

E mërkurë, 25 dhjetor 2019 – DITA E KRISHTLINDJES

Ora 11:00: Mesha në Katedralen Nënë Tereza më Prishtinë.

Sh. T. Imzot Dodë Gjergji, do të kremtojë meshën e Ditës së Krishtlindjes në Katedralen Zoja Ndihmëtare në Prizren, në ora 11:00.

Ora 18:00: Mesha e Shenjtë në Kishën e Shën Ndout në Prishtinë.

 

Jeni të ftuar të gjithë, sepse pjesëmarrja juaj na nderon dhe e shton gëzimin e Lindjes së Shëlbuesit të njerëzimit, Jezu Krishtit.

Vëllazërisht,

Dioqeza Prizren-Prishtinë /drita.info

Shpërndaje

Comments are closed.

« »