Gëzimi dhe pikëllimi, pjesë e jetës

Feb 28 • Meditimi i ditës

28 shkurt 2020 – E premte, MOMENTI I SHENJTË – Lutja e përditshme

(Leximet e ditës: Is 58, 1-9a; Ps 51, 3-6a.18-19; Mt 9, 14-15)

Prania e Hyjit

Sa më shumë i përgjërohemi Zotit aq më shumë e ndjejmë praninë e tij.

Prej dite në ditë, gjithnjë e më shumë, na tërheq kah Zemra jote e butë.

Liria

O Zot, ma ke dhënë dhuratën e madhe të lirisë.
Ma jep hirin që të mund të jem i/e lirë nga çdo formë urrejtjeje dhe padurimi.

Ma përkujto, o Zot, se në sytë e tu të gjithë jemi të barabartë.

Ndërgjegjësimi

Në praninë e Atij që
Pranon, shëron dhe ripërtërin
Mund të jem i/e sinqertë në lidhje me mënyrat sesi kam arritur

ta përjetoj dashurinë.

Si kaloi dita e fundit?
Si po e ndiej veten në lidhje me mënyrën se si jam përgjigjur,
sesi kam ndërvepruar, sesi e kam hapur zemrën?
I ndaj ndjenjat e mia me Zotin.

Fjala

Hyji i flet secilit prej nesh personalisht.
Çfarë jam duke dëgjuar?
Lexoje tekstin disa herë.

Mk 9, 14-15

¹⁴ Atëherë iu afruan nxënësit e Gjonit e i thanë:

“Përse ne dhe farisenjtë agjërojmë shpesh, kurse nxënësit e tu nuk agjërojnë?”

¹⁵ Jezusi u përgjigj:

“A është e mundur të mbajnë zi dasmorët derisa të jetë me ta dhëndri? Por, do të vijë koha, kur do t’ua rrëmbejnë dhëndrin. Atëherë edhe ata do të agjërojnë.

Ç`po dëshiron të më thuash, o Zot?

Disa mendime mbi paragrafin e sotshëm të Shkrimit Shenjt:

• Kaloji disa momente çdo ditë duke i lejuar gëzimit të Hyjit që ta mbush zemrën tënd Kaloje ca kohë edhe duke mbajtur zi me të, sepse gëzimi për shumë vetë është humbur.
• Çdo agjërim na kujton se Zoti i çdo gëzimi vuan në popullin e tij, ndoshta në njerëzit që janë afër nesh. Lutja na sjell më afër të tjerëve dhe më afër Zotit.

Bashkëbisedimi

Ç` ndodh në mua kur lus?

A jam i ngushëlluar, i shqetësuar, apo indiferent?

E paramendoj Jezusin se si është duke qëndruar apo është ulur pranë meje

dhe ia paraqes të gjitha çfarë ndjej.

Përmbyllja

Po të falënderoj o Zot për çdo nxitje që ma dhurove gjatë këtyre momenteve me ty. Ati ynë…

Lavdi Atit e Birit e Shpirtit Shenjt. Si ka qenë në fillim ashtu tash e përgjithmonë e jetës. Amen.

« Nga Kujtimet me Shkëlqesinë e tij Imzot Nikë Prela Me Zotin mund ta takojmë çdo njeri   »