Lutja, ndriçim në errësirën e jetës

May 7 • Meditimi i ditës

 7 maj 2020 – E enjte, MOMENTI I SHENJTË – Lutja e përditshme
 (Leximet e ditës: Vap 13,13-25; Ps 89,2-3.21-22.25.27; Gjn 13,16-20)

 

 Prania e Hyjit
Ndalem një moment e mendoj për praninë e fshehur të Hyjit në sende: në elemente duke bërë që ato të ekzistojnë;
në bimë duke ua dhuruar jetën; në kafshë duke bërë që të ndiejnë;
dhe më në fund në mua, sepse m`i jep të gjitha këto dhe më shumë,
më bën tempull, vendbanim të Shpirtit të Shenjtë.

 

Liria
O Zot, më ke krijuar që të jetoj në liri.
Shpesh herë kollaj e pranoj dhe e marrë këtë dhuratë.
Më frymëzo që të jetoj në lirinë që e ke parashikuar për mua,
me një zemër të pangarkuar dhe me një besim të plotë në ty.

 

 Ndërgjegjësimi
Në praninë e Atij që
pranon, shëron dhe ripërtërin
mund të jem i/e sinqertë në lidhje me mënyrat sesi kam arritur
ta përjetoj dashurinë.
Si kaloi dita e fundit?
Si po e ndiej veten në lidhje me mënyrën se si jam përgjigjur,
sesi kam ndërvepruar, sesi e kam hapur zemrën?
I ndaj ndjenjat e mia me Zotin.

 

Fjala
Hyji i flet secilit prej nesh personalisht.
Ç`po dëgjoj?
Lexoje tekstin disa herë.
Pusho në atë fjalë apo fjali që të flet, që të prek – le të jehojë në zemrën tënde.

 


Gjn 13, 16-20

 

16 “Përnjëmend, përnjëmend po ju them: nuk është shërbëtori më i madh se zotëria i tij as i dërguari më i madh se dërguesi.
17 Pasi tani i dini këto, të lumët ju nëse edhe do t’i zbatoni! 18 Nuk po flas për ju të gjithë. Unë i njoh ata që zgjodha. Por ‑ le të shkojë në vend fjala e Shkrimit të shenjtë: ‘Ai që ha bukën time, e ngriti thembrën e vet kundër meje.’
19 Po jua them që tani,
para se të ndodhë,
që, kur të ndodhë,
të besoni se UNË JAM.
20 Përnjëmend, përnjëmend po ju them:
kush e pranon atë që dërgoj unë,
më pranon mua,
e kush më pranon mua,
pranon Atë që më dërgoi.”


 

Çka dëshiron të më thuash, Zotëri?

Disa mendime mbi paragrafin e sotshëm të Shkrimit të Shenjtë:

 

  • Jezusi e pranon se njohuritë dhe të kuptuarit janë të rëndësishme, por janë vetëm një pjesë e veprimit të Hyjit në ne. Hyji na bekon në gjërat që i bëjmë.
  • Kur Jezusi kërkon që ta kujtoj se kush është, nuk e bën këtë për të më qortuar ose për të më kundërshtuar, por për të më ndihmuar të mos mbingarkohem.
  • Lus për përvujtëri për të cilën kam nevojë që ta kujtoj që, edhe pse jam shërbëtor dhe lajmëtar i Jezusit, ai më quan edhe mik dhe më numëron në mesin e të dashurve të tij. Më ndihmoftë lutja, që të më ndriçojë drita e Hyjit dhe të më lëvizë prej vendit që të bëj atë që mundem, në mënyrë që të sjellë dritë në botë nëpërmjet jetës sime personale. 

 

Bashkëbisedimi
 
O Zot i dashur, më ndihmo çdo ditë
që edhe më shumë të kërkoj.
Ma mbush zemrën time me dashuri ndaj teje.
Përmbyllja
Të falënderoj, o Zot, për çdo nxitje që ma dhurove gjatë kësaj kohe sa luta mbi tekstin e Shkrimit të Shenjtë. Ati ynë…
Lavdi Atit e Birit e Shpirtit Shenjt.
Si ka qenë në fillim, ashtu tash
e përgjithmonë e jetës. Amen.

Comments are closed.

« »