Katedralja Shën Nënë Tereza dhe Caritas Kosova ndihmojnë të varfrit për festën e Krishtlindjes

Dec 21 • Kisha në Kosovë, Res socialis

Katedralja Shën Nënë Tereza në Prishtinë dhe Caritas Kosova, nesër, e martë, më 22 dhjetor, nga ora 10:00-12:00  organizon aksion bamirësie për njerëzit në nevojë, me rastin e festës së Krishtlindjes.

Ky aksion do të organizohet te Katedralja Shën Nënë Tereza, pjesa e oborrit te Rezidenca e Ipeshkvisë, gjatë të cilit do të dhurohen artikuj të ndryshëm ushqimor dhe veshmbathje.

Prandaj, ftohen të gjithë ata që kanë nevojë, të vijnë për të marrë ato gjëra që i kemi në dispoziocion.

Gjatë kohës së Adventit, për 4 javë, Famullia e Prishtinës, gjegjësisht Katedralja Shën Nënë Tereza, organizon me besimtarët e vet aksionin bamirës “Pakoja e Krishtlindjes”  me qëllim që të ndihmohen familjet në nevojë. Kësaj veprimtarie karitative i bashkëngjitet edhe Caritas Kosova, që përherë është një mbështetje e fuqishme në këtë veprimtari.

Prandaj, në prag të festës së Krishtlindjes, bujarinë e besimtarëve tanë dhe të bamirësve të ndryshme që e kanë treguar gjatë kësaj kohe të Adventit, ju ndajmë njerëzve në nevojë./drita.info

Comments are closed.

« »