Muaji shkurt i takimeve kulturore “Pena e Dritës”, tradicionalisht i kushtohet prezantimit të botimeve të shtëpisë botuese “Drita”, të publikuara gjatë një viti.
Sivjet, prezantimi i botimeve të vitit 2025 do të mbahet të enjten, më 19 shkurt 2026, në orën 19:00, në bibliotekën “Ernest Koliqi”, që gjendet në Katedralen Shën Nënë Tereza në Prishtinë.
Do të prezantohen nëntë libra nga pesë seritë e botimeve: zëri i kishës (3), letërsi (2), humanitas (2), monografi (1) dhe përshpirtëri (1).
Prezantimi do të shoqërohet edhe me disa pika muzikore në piano e viole.
Për këtë rast, për të gjithë dashamirët e librave, botimet që do të prezantohen dhe të gjitha të tjerat nga Sh. B. “Drita”, ofrohen me zbritje prej 50 %.
Pas promovimit do të ketë një koktej në “Agora” të Qendrës “BogdaniPolis”.
Prezantimi është i hapur për të gjithë.
Ju mirëpresim!
Postimi i Mëparshëm
