Në kuadër të takimeve kulturore “Pena e Dritës”, që organizohen nga Sh. B. “Drita” dhe biblioteka “Ernest Koliqi”, të enjten, më 27 qershor 2024, në orën 19:00, do të promovohet kryevepra e klasikut europian Joseph Ratzinger – Papa Benedikti XVI, “Hyrje në Krishterim”, që është sjell në shqip për herë të parë, në një bashkëpunim mes Sh. B. “Alphabet J&H” dhe Sh. B. “Drita”.
Promovimi mbahet në njëvjetorin e kalimit në amshim të autorit. Të ftuar për të folur për librin janë një teolog dhe një filozof:
Sh. T. Imzot Arjan Dodaj, argjipeshkvi metropolit i Tiranë-Durrësit
Prof. Kristë Shtufi, profesor i filozofisë në UP dhe botues
Promovimi do të shoqërohet me një program artistik, kurse në mbarim të ligjëratave do të ketë edhe një kohë diskutimi me audiencën. Pas takimit, në pjesën e Agorà-s, do të shtrohet një koktej për të pranishmit.
Ky është takimi i pestë me radhë, që “Pena e Dritës” organizon për çdo muaj në bibliotekën “Ernest Koliqi”.
I lajmërojmë të gjithë dashamirët e takimeve tona se, për shkak të kohës së pushimit veror, gjatë muajve korrik dhe gusht, nuk do të mbahen takimet. Do të rifillojmë në shtator.
Ju mirëpresim!
Postimi i Mëparshëm
Postimi Tjetër
