Shën Augustini: Dashuria është gjithçka

Dashuria e ka karakterizuar gjithmonë shprehjen artistike të shkrimtarëve, poetëve, këngëtarëve, piktorëve të të gjitha moshave. Ata e analizuan këtë ndjenjë në të gjitha aspektet e saj, duke nxjerrë në pah të gjitha anët e saj, pozitive dhe negative. Edhe shenjtërit e Kishës donin ta shprehnin këndvështrimin e tyre për dashurinë. Shën Augustini, teolog dhe filozof i madh, na mëson të duam dhe shpreh vizionin e tij për dashurinë, mbi të cilin të rinjtë dhe familjet duhet t’i ndërtojnë marrëdhëniet e tyre.

Shën Agustini na ka lënë faqe me vlera të papërshkrueshme, jo vetëm për thellësinë e tyre teologjike, por edhe për një shije letrare, që edhe sot konsiderohet aktuale dhe i magjeps lexuesit për forcën e brendshme të shikimit “për gjërat e qiellit”, por njëkohësisht të projektimit horizontalisht “për gjërat e tokës”, pasi deri sa ne jetojmë në botë, rritemi për ta banuar një ditë Parajsën. Këtu po i paraqesim tre tekste të tija që na mësojnë të duam, të mos pushojmë të jetojmë këtë virtyt të madh teologal, që dhuron jetën e kuptimit e të realizuar.

“Je i pagojë kur pushon së dashuruari.

Dashuria e ftohtë është zemër memece.

Dashuria e flakët është thirrje e zemrës me zë të lartë.”

| Shën Augustini |

Dashuria është gjithçka

Nëse heshtni, heshtni nga dashuria.

Nëse flitni, flisni nga dashuria.

Nëse korrigjoni, korrigjoni për dashurinë.

Nëse falni, falni nga dashuria.

Le të jetë  gjithmonë në ju rrënja e dashurisë,

sepse vetëm nga kjo rrënjë mund të mbijë dashuria.

Duani dhe bëni atë që dëshironi.

Dashuria është mbështetje në fatkeqësi,

në prosperitet e përmbajtur,

në vuajtje e fortë,

në veprat e mira gazmore,

në tundime e sigurt,

në mikpritje bujare,

mes vëllezërve të vërtetë, gëzim,

në mesin e të rremëve, e durueshme.

Ajo është shpirti i librave të shenjtë,

virtyti i profecisë,

shpëtimi i mistereve,

forca e shkencës,

fryt i besimit,

pasuria e të varfërve,

jeta e atyre që vdesin.

Dashuria është gjithçka.

| Shën Augustini |

Letër një miku të ri

“Miku im i ri, nëse e do këtë, kjo është mrekullia e jetës.

Hy në ëndërr me sy hapur dhe jeto me dashuri të fortë.

Ëndrra e pajetuar është një yll që duhet lënë në qiell.

Duaje gruan tënde pa kërkuar asgjë tjetër përveç pyetjes së përjetshme që i bën zemrat e vjetra të jetojnë me nostalgji.

Por mos harro se sa më shumë ajo të do, aq më pak do të jetë në gjendje t’ju tregojë. Shiko në sytë e saj në mënyrë që gishtat tuaj të lidhen së bashku në një dëshirë të dëshpëruar për t’u bashkuar përsëri; dhe duart dhe sytë tuaj le të flasin për premtimet e sigurta të së nesërmes.

Mbaje mend edhe këtë, nëse trupat reflektohen në sy, shpirtrat shihen në fatkeqësi.

Mos u ndje i përvujtëruar kur pranon një cilësi tek ajo që ti nuk e zotëron.

Mos mendo se je superior, sepse vetëm jeta do të tregojë vështirësinë tënde të ndryshme.

Mos e impono vullnetin tënd me fjalë, por vetëm me shembull.

Kjo nuse, shoqëruesja jote në udhëtimin e panjohur që është jeta, duaje dhe mbroje, sepse nesër mund të jetë streha jote.

Dhe ji i sinqertë miku im i ri, nëse dashuria është e fortë, çdo fat do të të bëjë të buzëqeshësh.

Duaje atë si diellin që të thërret në mëngjes. Respektoje si një lule që e pret dritën e dashurisë./drita.info