Sot, Papa Leoni, në përfundim të Engjëllit të Tënzot të së dielës, 11 tetor, njoftoi se do t’i nënshtrohet ndërhyrjes kirurgjikale për të hequr një nodul në mushkëri. Për turmën e madhe të mbledhur në Sheshin e Shën Pjetrit, Papa shpjegoi: “Kohët e fundit, gjatë kontrolleve, mjekët gjetën një nodul në mushkërinë time. U identifikua në një fazë shumë të hershme dhe e lokalizuar mirë”.
“Mjekët,” vazhdoi Papa, “e konsiderojnë të nevojshme të ndërhyjnë. E kështu, duke ndjekur këshillën e tyre, vendosa t’i nënshtrohem një ndërhyrjeje kirurgjikale për ta hequr”. Ndërhyrja kirurgjikale është planifikuar tashmë për ditët në vijim, në Poliklinikën Gemelli. Leoni XIV i falënderoi të gjithë besimtarët, në shesh a nga mbarë bota, “për afërsinë e tyre shpirtërore”. E shtoi: “Unë ia besoj veten lutjeve tuaja! Gëzuar të dielën!”.
Në përgjigje të pyetjeve të gazetarëve, drejtori i Sallës së Shtypit të Selisë së Shenjtë, Matteo Bruni, sqaroi se “ndërhyrja kirurgjikale është planifikuar për në fillim të javës së ardhshme dhe se koha e pritur e rikuperimit pas operacionit është rreth një javë”. /Vatican News
Postimi i Mëparshëm
