Të dashur besimtarë, miq dhe dashamirë,
Ipeshkvia jonë Prizren-Prishtinë ka kënaqësinë të njoftojë opinionin e gjerë për hapjen e faqes së saj të re zyrtare në internet: www.kishakatolike.org.
Kjo platformë e re digjitale vjen si një hap i rëndësishëm në drejtim të komunikimit me besimtarët dhe publikun e interesuar. Në të do të mund të gjeni informacione të përditësuara mbi jetën dhe veprimtarinë e Ipeshkvisë, duke përfshirë:
- strukturën kishtare dhe organizative,
- jetën baritore dhe liturgjike,
- aktivitetet kulturore dhe shoqërore,
- lajme, njoftime dhe reflektime shpirtërore.
Faqja synon të jetë jo vetëm një burim informacioni, por edhe një hapësirë komunikimi dhe afërsie, ku çdo vizitor mund të njohë jetën e Kishës dhe misionin e saj në shoqëri.
Ftojmë të gjithë besimtarët dhe dashamirët që ta vizitojnë këtë faqe dhe të qëndrojnë të lidhur me jetën e gjallë të Kishës sonë.
Zoti e bekoftë çdo hap të këtij shërbimi të ri në dobi të bashkësisë!
Postimi i Mëparshëm
