Emërimet e reja në Konferencën Ipeshkvnore të Shqipërisë

Në ambientet e Selisë së Konferencës Ipeshkvnore, u mblodh asambleja e përgjithshme e Ipeshkvijve të Shqipërisë. Përveç fokusit mbi veprimtarinë e Kishës, në punimet e ditës të kësaj asambleje, ku sipas Statutit të KISH-it përfundonte mandati i Presidencës, u mbajtën zgjedhjet e reja me emërimet përkatëse:

Imzot Gjergj Meta – Ipeshkëv i Rrëshenit, President i Konferencës Ipeshkvnore

Imzot Simon Kulli – Ipeshkëv i Sapës, Zv/President i Konferencës Ipeshkvnore

Imzot Giovanni Peragine – Administrator Apostolik i Jugut, Sekretar i Përgjithshëm i Konferencës Ipeshkvnore.

Falënderojmë sidomos Imzot Angelo Massafra për shërbimin si President në mandatin paraardhës bashkë me Imzot Peragine e Imzot Meta të cilët vazhdojnë shërbimin, tashmë me një përgjegjësi tjetër.

I besojmë Zotit Kishën në Shqipëri dhe kërkojmë lutje për të gjithë Barinjtë tanë. (kish.al)