Sot, kur Kisha e shenjtë kremton festën e Zojës së Këshillit të Mirë, Pajtorja e Shqipërisë dhe shqiptarëve, e njohur si Zoja e Shkodrës, po e sjellim lutjen e Gjon Palit II, të cilën e ka lutur gjatë vizitës së tij në Shqipëri, në vitin 1993.
Zoja e Shkodrës, Pajtorja e Shqipërisë, ti Nëna jonë e Ëmbël!
Ty që në zemër të rrjedh gjaku i popullit tënd:
ktheji sytë e tu mbi këtë komb, i cili ka pasur fatin të marrë mësimin e parë të Ungjillit nga goja e Apostujve
e që Ty të ka nderuar përherë me dashuri të pastër bijësore.
Edhe sot në errësirën e provës ky komb të drejtohet Ty plot shpresë e pret ndihmën tënde amnore.
Ti i prin Kishës në shtegtimin e fesë:
hidhi sytë e tu mbi bijtë e bijat shqiptare të cilët janë duke udhëtuar të ngarkuar me prova e mundime.
Forco të ligështit, ngushëllo të mjeruarit, mbaje të gjallë fenë në zemrën e të gjithëve!
Nënë e Shëlbuesit, bekoji familjet e krishtera të cilat përbëjnë thelbin e Kishës së Birit tënd hyjnor.
Nënë e shpresës, shpejtoje ditën në të cilën ky popull fisnik do të shikojë të realizuara
edhe një herë të gjitha dëshirat e thella të shpirtit të tij,
atëherë kur të gjithë, bij e bija,
do të kenë mundësi të bashkohen në harmoni të plotë për të rindërtuar të ardhmen në drejtësi e në paqe! Amen./drita.info